Жозе Моуриньо бошчилигидаги "Тоттенхэм" клуби "совғалар" ҳафтасида 3 хил натижа қайд этди: ғалаба, дуранг ва мана энди — мағлубият.
"Шпорлар" Англия чемпионатининг 21-тури доирасида «Саутгемптон» меҳмони бўлишди. Баҳснинг 6-дақиқасида меҳмонлар ҳисобни очишлари мумкин эди. Кейннинг 16 метрдан йўллаган зарбасидан кейин мезбонлар посбони маҳорат билан тўпни қайтарди.
Орадан кўп ўтмасдан лондонликлар посбони маҳорат кўрсатишига тўғри келди. Нейтан Редмонд томонидан йўлланган зарбани Гассанига қайтарди. Баҳснинг 18-дақиқасида эса Дэнни Ингз чиройли гол урди. Жарима майдонига етказилган тўпни футболчи қабул қилди, Алдервейрелднинг устидан оширди ва 12 метрдан зарба бериб, ҳисобни очди.
Биринчи тайм тугашига 5 дақиқа қолганида "Челси" ҳимоячиси Ян Вертонген 3 метрдан дарвозага аниқ зарба бера олмади.
Учрашувнинг 74-дақиқасида Харри Кейн тўпни рақиб дарвозасига жойлаган эди. Аммо VAR "миллиметрли" офсайдни аниқлаб, голни бекор қилди. Ўйин сўнгида иккала жамоа биттадан қулай имкониятни кўкка совурди.
Шу тариқа, "Тоттенхэм" клуби тенгма-тенг кечган ўйинда "Саутгемптон"га имкониятни бой берди.
Англия чемпионати, 21-тур
Саутгемптон – Тоттенхэм 1:0 (1:0, 0:0)
Гол: 1:0 – 17 Ингз.
Саутгемптон – Маккарти, Стивенс, Бертран, Беднарек, Соареш, Армстронг (Ромеу, 90), Хейбьерг, Женепо (Лонг, 58), Уорд-Проуз, Редмонд, Ингз (Обафеми, 76).
Тоттенхэм – Гассанига, Вертонген, Орье, Алдервейрелд, Сессеньон, Алли, Ндомбеле (Ло Чельсо, 25), Сиссоко, Лукас Моура, Эриксен, Кейн (Ламела, 75).
Огоҳлантиришлар: Ло Чельсо (36), Женепо (53), Сиссоко (61), Беднарек (68), Орье (70), Уорд-Проуз (72), Эриксен (90).