Ушбу рукнимиздаги энг сўнгги янгиликларни тақдим этишда давом этамиз.
Эриксен учун даъвогарлар аниқ
Лондоннинг «Тоттенҳем» жамоаси ярим ҳимоячиси Кристиан Эриксен бир нечта топ жамоаларнинг эътибор марказида турибди. Лондон клуби билан 6 ойлик шартномаси қолган даниялик футболчини грандлар эркин агент мақомида харид қилишга ҳаракат қилишмоқда. Бунга «Шпорлар»нинг Кристиан учун 30 миллион евро талаб қилаётгани сабаб бўлмоқда.
Айни дамда Парижнинг ПСЖ клуби ёзда эркин агентга айланувчи футболчи учун йилига 12 миллион евро маош белгиланган 5 йиллик шартномани расман таклиф қилди. Шунингдек, 27 ёшли футболчи учун Миланнинг «Интер» клуби ҳам 3 йиллик шартнома таклиф қилган. Маоши кўрсатилмаган бўлсада, Милан клуби раҳбарлари Эриксенга асосий таркибдаги жойни кафолатланганини маълум қилишган.
Эслатиб ўтамиз, аввалроқ Эриксен учун «Манчестер Юнайтед» жамоаси ҳам даъвогар бўлаётган эди.
Лемпард «Лион» ҳужумчиси билан қизиқиб қолди
Лондонинг «Челси» клуби бош мураббийи Френк Лемпард қишки трансферлар чоғида ҳужумчи ҳарид қилиш фикридан қайтгани йўқ. Айни дамда «аристократлар» нишонида Франциянинг «Лион» клуби ҳужумчиси Мусса Дембеле турибди. Мураббийи Муссанинг ўйинларида собиқ жамоадоши Диде Дрогбани кўргандай бўлаётганини яшириб ўтирмаяпти.
«Челси» клуби ҳужумчи учун 40 миллион евродан воз кечишга тайёр. Шунга қарамай, қарши томон мавсум ўртасида ўз ҳужумчисини 60 миллиондан камига сотмоқчи эмаслигини маълум қилган. Агар томонлар футболчининг трансфер нархи борасида келишувга эриша олмаса, «Челси» Дембелега альтернатив вариянт қидиришни бошлаб юборади.
Жиру шу кунларда қайси жамоага ўтишини ҳал қилади
Лондоннинг «Челси» клуби ҳужумчиси Оливие Жирунинг янги жамоаси тез орада маълум бўлади”- деб хабар бермоқда «Corriera Della Sport» нашри.
Манба берган хабарга кўра, амалдаги Жаҳон чампионинг янги жамоаси «Ювентус», «Интер» ва «Лион» клубларидан бири бўлиши таҳмин қилинмоқда. Футболчининг ўзи яна бир бор Антонио Конте қўл оситда тўп суришни истаётган бўлсада, кўпроқ ўйин амалиётига эга бўлиш мақсадида Францияга йўл олиши ҳам мумкин.
Эслатиб ўтамиз, «Челси» жамоаси Оливиенни қишки трансфер ойнаси очилиши билан сотиб юборишга ҳаракатни бошлаб юборган. Жамоа Европа Лигасининг амалдаги чемпионининг ўрнини ёш ҳужумчилардан бири билан тўлдиришни режалштирган.
«Герта» Германияда қишки трансферларга старт берди
Германиянинг «Герта» клуби 2020-йилнинг Германиядаги илк харидини амалга оширди. Клуб «Штутгарта» ярим ҳимоячиси Сантьяго Аскасибарни ўз сафига қўшиб олди.
Ушбу трансфер клуб учун 10 миллион еврога тушди ва жамоа тарихидаги энг қиммат учта трансферлардан бирига айланди. Сантьяго «Эстудиантес» жамоаси тарбияланувчиси ҳисобланади.
Эслатиб ўтамиз, ярим ҳимоячи 2017-йилда «Штутгарта» томонидан 6 миллион евро эвазига ҳарид қилинган эди.
«Тоттенҳем» Эриксеннинг ўрнига «Лестер» футболчисини харид қилмоқчи
Лондоннинг «Тоттенҳем» жамоаси ярим ҳимоячиси Кристиан Эриксен тез орада жамоани тарк этишидан хабарингиз бор. Айни дамда «шпорлар» ярим ҳимоячини ўрнини боса оладиган футболчи излаш билан банд. Ҳозирда клуб шортлистида «Лестер» клуби ярим ҳимоячиси Жеймс Меддисон биринчи ўринда турибди. Клуб ярим ҳимоячи учун 60 миллион евродан воз кечишга тайёр ва Жеймс учун «Лестер»даги маошидан каттароқ бўлган маош кўрсатилган 5 йиллик шартнома таклиф қилишни режалштирмоқда. Англиялик футболчининг «тулкилар» билан тузган шартномаси 2023-йилга қадар мўлжалланган.
Эслатиб ўтамиз, «Лестер» Медисонни «Норвич»дан 2018 йилда 25 миллион евро эвазига харид қилган эди. Шу кунга қадар, қаҳрамониз 60 та учрашувда майдонга тушди ва ўз ҳисобига 15 та гол ёзиб қўйди. Шунингдек унинг ҳисобида 10 та ассист ҳам мавжуд.
