«Фламенго» ярим ҳимоячиси Рейньер катта эҳтимол билан «Реал»га ўтади. "Goal Brasil" тарқатган хабарга кўра, Бразилия жамоаси "Қироллик клуби"нинг таклифини қабул қилган.
Мадридликлар 17 ёшли футболчининг трансфери учун 35 миллион евро тўлашади. Энди «Фламенго», «Реал» ва футболчининг агентлари шартноманинг айрим бандларини келишиб олишлари керак. Жумладан, Рейньер мавсум охирига қадар «Фламенго»да қоладими ёки қишки трансфер пайтида «Реал»га ўтадими — шу масалага ҳам ойдинлик киритилиши лозим.
Эслатиб ўтамиз, ушбу футболчига «Барселона» ҳам даъвогарлик қилаётган эди.
Ярим ҳимоячи Бразилия чемпионатининг ушбу мавсумида 14та ўйинда майдонга тушиб, 6та гол урди.