Дўрмондаги қароргоҳда йиғилган жамоамиз Қибрайдаги ўйингоҳда ҳар кунлик машғулотларни олиб бормоқда. Айни дамда мураббийлар штаби футболчиларнинг жисмоний ҳолатини тетиклаш устида катта ҳажмдаги ишларни амалга оширишмоқда. Бир кунлик таътилдан қайтган футболчилар тиббий кўрикдан ўтгач, бугундан яна машғулотларни тиклашди.
Эртадан эса жамоа қишки йиғиндаги дастур одатига кўра, кунига икки маҳалдан машғулотлар ўтказади. Машғулотларнинг бир қисми майдонда, тўп билан ишлаш бўйича ўтказилса, иккинчи қисмида футболчилар залда мушакларни чиниқтириш борасида шуғулланишади.
Бугундан эътиборан машғулотларга кеча трансфер қилинган ва жамоамизга бир йиллик танаффусдан сўнг қайтган сербиялик ярим ҳимоячи Йован Жокич қўшилди. Шунингдек, ўтган мавсумнинг иккинчи қисмидан эътиборан жамоамизга аъзоларига айланган легионерлар — Игорь Зонич ва Элгужа Григалашвили ҳам жамоа лагерига қайтди ва бугундан машғулотларга қўшилди.
