ESPN нашрининг тарқатган маълумотига қараганда, Испаниянинг «Севилья» клуби ҳужумчиси Хавьер Эрнандес «Чичарито» яқин вақтлар ичида жамоани тарк этади.
31 ёшли мексикалик футболчи АҚШнинг «Лос-Анджелес Гэлакси» клуби билан 3 йиллик шартнома борасида келишувга эришди. Чичарито АҚШда йилига 6,5 миллион евро ойлик олади ва ушбу шартнома бугун имзоналиниши кутилмоқда.
Хабарда айтилишича, АҚШ клуби Чичаритонинг трансфери учун 9 миллион евро “Севилья” клубига тўлаб беради.