Дарвозабон Дмитрий Лозебников Москванинг “Звезда” жамоасидан Тошкетнинг “Ҳумо” ҳоккей клубига келиб қўшилганига кўп бўлмаган бўлсада, дебют қилишга улгурди. Бугун “Ҳумо”нинг янги дарвозабони билан кичик суҳбат уюштирдик

— “Ҳумо” сафига келиб қўшилишингиз ҳақида сўзлаб берсангиз?

— Менда “Ҳумо”га ўтиш имконияти пайдо бўлди ва мен ундан дарров унумли фойдаландим. Менинг Тошкентга кўчиб ўтишим икки клубнинг раҳбарлари томонидан музокараларда ҳал этилди. Бундан жуда ҳам маъмнуман.

— Сизда “Звезда”дан КХЛда етакчилик қилаётган ЦСКАга ўтиш имкони мавжуд эдими?

— Очиғи мени биринчи жамоага олишди, бироқ ўзимни кўрсатишим учун имкон қолдиришмади. Захирада иккинчи дарвозабон эдим. Менинг жамоага ёрдамим тегиши мумкин бўлган паллаларда ҳам захирада олиб ўтиришди. Очиғини айтганда, менга ишонч билдиришгани йўқ.

— Демак, сиз “Ҳумо”да ўз фаолиятингизни янги чўққига олиб чиқмочи экансизда?

— Тўғри айтдингиз. Мен ўсишни истайман. Дарвозабон бўлишимга қарамай, жамоамиздаги Здунов, Григоренко, Шербина сингари ҳоккейчилардан ўрганадиган нарсаларим жуда кўп. Энг муҳими ўсиш учун ишлашда тўхтамаслик лозим.

—  Нима деб ўйлайсиз, Роман Смирягинга рақобат туғдира оласизми?

— Бўлмасачи! Бошқачароқ фикрда бўлганимда бу ерга келиб ўтирмаган бўлар эдим.

—  Оилалилимисз? Ёки севган қизингиз борми? Уларни Тошкентга олиб келиш ҳақида ўйламаяпсизми?

- Мен саккиз йилдан бери севган қизим биланман. У айрим сабабларга кўра Москвада қолди. Ҳозирча Тошкентга кела олмайди. Мавсум сўнггига қадар у Москвада мен эса, Тошкентда истиқомат қиламиз. Барчасини келишиб олдик. Мавсумдан сўнг, уни Тошкентга олиб келаман деган умиддаман. Шундай бўлсада, у мени февраль ойида кўргани келади. Унга шаҳарни кўрсатишга ваъда берганман.