Хабариннгиз бор, бир неча кун аввал Жиззахнинг “Сўғдиёна” клуби бразилиялик ярим ҳимоячи Эливелто Рибеиро Дантос билан шартнома имзолагани ҳақида хабар берган эдик. Сайтимих мухбири Жалолиддин Қобилжонов футболчи билан боғланиб қисқа суҳбат уюштиришга эришди.

– Футбол мухлисларимиз сиз ҳақизда деярли маълумотга эга эмаслар. Аввало ўзингиз ҳақингизда тўлиқроқ гапириб берсангиз.

– Мен оддий йигитман. Мен бу ерга агентим орқали келдим. Янги мавсумда қўлимдан келганча “Сўғдиёна”га совринлар ютишда ёрдам бермоқчиман ва жамоадошларим ҳам бунга тайёр. Бу жамоадаги расмий дебют учрашувимни интиқлик билан кутяпман. Мухлисларни хурсанд қилишга тайёрман.

– “Сўғдиёна” га келиб қўшилишингиздан аввал ўзбек футболи ҳақида эшитганмидингиз?

– Ҳа, мен Қозоғистон чемпионатида тўп сурганман, шу сабабли Ўзбекистон чемпионати ҳақида биламан. Ўзбек футболчилари ҳақида эса йўқ. Аммо ўйлайманки, улар кучли футболчилар. Қолаверса, чемпионат ҳам қизғин ўтади деган умитдаман.

– Жамоа билан неча йиллик шартнома имзоладингиз?

– Мен “Сўғдиёна”га эркин агент сифатида келиб қўшилдим ва 1 йиллик шартнома имзоладим.

– Интернетда сиз ҳақингизда маълумотлар камлиги сабабли кўп нарсаларни била олмадим. Фаолиятингизни қайси жамоада бошлагансиз? Қозоғистон чемпионатига келишингиздан аввал қайси клубларда тўп сургансиз?

– Фаолиятимни Бразилиянинг қуйи дивизионидаги “Imperila Rj” жамоасида бошлаганман. Шуннигдек, Литва чемпионатида ҳам ҳаракат қилганман. Литва чемпионатида “Жальгрис Вильнюс”да  3 йил ўйнаганман (2015-2018 йиллар). У ерда 2 марта мамлакат чемпионига айланганмиз ва бир марта Литва суперкубогини қўлга киритганмиз.  Қозоғистон чемпионатида “Тараз” клуби шарафини ҳимоя қилганман.

– “Сўғдиёна”даги фаолиятингизда омад тилаймиз!

– Раҳмат!