«Тоттенхэм» ярим ҳимоячиси Кристиан Эриксен «Интер»га ўтишга яқин турибди. Даниялик футболчи "нерадзурри" билан шартнома имзолаганидан сўнг йилига 10 миллион евро маош ола бошлайди.

Шу тариқа, у Италия чемпионатида энг кўп маош олувчилар рўйхатида "Ювентус" ҳимоячиси Маттиас де Лигт билан бирга иккинчи поғонада бўлади.

Биринчи ўрин «Ювентус» ҳужумчиси Криштиану Роналдуга тегишли бўлиб, португалиялик ўйинчининг йиллик маоши 31 миллион еврога тенг.

Умуман олганда, энг юқори маошга эга 14 футболчининг 10 нафари "Ювентус" аъзоси ҳисобланади.

А сериянинг энг кўп маош олувчи футболчилари:

1.Криштиану Роналду ("Ювентус") — 31 миллион евро
2. Маттиас де Лигт ("Ювентус")— 10 миллион евро
2. Кристиан Эриксен ("Интер")— 10 миллион евро
4.Адриен Рабьо ("Ювентус")— 9 миллион евро
5.Гонсало Игуаин ("Ювентус")— 8.5 миллион евро
6.Пауло Дибала ("Ювентус") — 7 миллион евро
6.Ромелу Лукаку ("Интер") — 7 миллион евро
8.Аарон Рэмзи ("Ювентус") — 6.9 миллион евро
9.Миралем Пьнич ("Ювентус") — 6.5 миллион евро
10.Жанлуиджи Доннарума ("Милан") — 6 миллион евро
10.Дуглас Коста ("Ювентус") — 6 миллион евро
10.Сами Хедира ("Ювентус") — 6 миллион евро
10.Калиду Кулибали ("Наполи") — 6 миллион евро
10.Леонардо Бонуччи ("Ювентус")  — 6 миллион евро