Замонавий футболдаги энг кучли ҳужумчилардан бири Луис Суареснинг ҳаёт йўли ҳақида эшитган бўлсангиз керак. Уругвайнинг энг камбағалар кўчаларидан “Камп Ноу”гача босиб ўтган йўли ҳақида китоб ёзиш мумкин. Бугун унинг иқтибосларини ёдга олиб ўтамиз.
Ёшлиги ҳақида
Менинг ёшлигим Европадаги болаларникидан кескин фарқ қилади. Биз Уругвай кўчаларида асосан ялангоёқ юрар эдик. Футбол ўйинларида фақат пули бор оилаларнинг болаларигина бутса билан ҳаракат қилишар эди. Кўчамизда қайси боланинг бутсаси бўлса, ўша болага барчанинг ҳаваси келар эди. Мен ҳеч қачон ота-онамдан бутса харид қилишларини сўрай олмаганман. Бунинг иложи йўқ эди. Тушуняпсизми? Жанубий Американинг Европадан фарқи нимад эканлигини англадингизми? Уругвайда барчаси жуда содда нарсалар устига қурилган.
Футболчи бўлиши йўлида
Мен футболдан лаззат олишим учун жуда катта ва қийин йўлни босиб ўтганман. Эришган ютуқларимнинг барчасида соғинч ва етишмовчиликнинг тутган ўрни беқиёс. Агар сенда барча нарса бўлса, ҳеч қачон футболга 100 фоиз эътибор беришнинг иложи йўқ.
Нима билан фахрланади?
Мен доиммо ёмон йигит бўлганман. Жамодаги энг ёмон футболчи. Доиммо танқид ва сўкишлар эшитиб юрадиган инсон эдим. Шунга қарамай, ўзимни ўзгартиришни уддаладим. Муҳим голлар орқали буюк учрашувларда ғалаба қозонишни уддаладим. Доиммо омадсизликлардан сўнг, яна курашга қайтдим. Айнан шу жиҳатим билан фахрланаман.
“Барселона” ҳақида
Тан олишдан уялмайман. “Барселона” мени сотиб олишга қарор қилганини эшитгач, бахтдан ўтириб йиғлаганман. Клуб мендан қийин палаларда воз кечиб кетмаган. Шунинг учун бу жамоани 4 баробар каттароқ маош таклиф этишганида ҳам тарк этмадим.
Месси билан алоқалари
Месси менинг енг яқин дўстим. У Католонияга келишим билан “Барселона” эшикларини менга очди. Бизнинг ва оилаларимизнинг алоқалари жуда яхши. Менимча майдонда яхши тил топишган футболчи доиммо унинг ташқарисида яхши дўстга айланади.
Машхурликнинг бошқа томони
Афсуски, машхурликнинг ҳам салбий омиллари мавжуд. Инсонлар сизнинг шахсингизга катта қизиқувчанликда бўлишади. Бу аввалига ёқимли, бироқ кўп ўтмай жонингизга тегади. Супермаркетдан харид қилиш учун камида 30 та одам билан суратга тушиш керек. Афсуски, баъзан кайфиятсиз бўлсангизда кулиб туриш лозим. Бунга кўникишга мажбурман.
Мураббийлар маслаҳати
Мен ишлаган барча мураббийлар мендан ўйин пайтида рақиб футболчилари билан мулоқат қилмасликни сўрашар эди. АФсуски, ўйин чоғида ҳис-ҳаённи жиловлаб олиш мушкул иш. Шундай бўлсада, мен буни уддаладим ва янада сермаҳсул ўйин кўрсатишни бошладим.
Бренден Рожерс
Бренден Европадаги энг кучли мураббийлардан бири. Айнан унинг ҳизматлари эвазига мен “Барселона” даражасидаги ҳужумчи бўлиб етишдим. Менимча у фақат ЕЧЛда иштирок этадиган жамоалардагина фаолият олиб бориши керак. Рожерс нафақат майдонда, балки унинг ташқарисида ҳам футболчилар билан яқин алоқада бўлишни истайди. Чинакам яхши инсон ва ажойиб мураббий.
Серҳио Рамос
Менга қарши тўп сурган ҳимоячилар ичидаги энг кучлиси. У жисмнан бақувват ва доиммо курашга киришга тайёр
Нимани орзу қилади
Доиммо Мессиники сингари чап оёқ эгаси бўлишни орзу қилганман. Бундан ташқари, Неймар сингари ҳаётни севишни ҳам истайман.
ВАР
Сен гол киритишинг билан адреналин ва эмотсиага берилсан. Орадан бир дақиқа ўтиб ҳакамлар ВАРга мурожаат қилади. Гол инобатга олинса ҳам сендаки қувонч бирдан йўқ бўлиб қўлганини сезасан. Биласизми, ВАР футболчиларни қувончдан маҳрум қилмоқда.
Кьиеллини воқеяси
Аввалига бутун кариерам қумдан ясалаган саройдек қулаб кетгандек туюлди. Ҳеч ким билан гаплашгим келмас, ҳаммадан қочишни бошладим. Кўп ўтмай ундан узур сўрадим ва бироз енгил тортдим.
