«Ювентус» ҳужумчиси Криштиану Роналду Италия чемпионатининг 22-тури доирасида бўлиб ўтган «Фиорентина»га қарши ўйинда (3:0) иккита гол уришга муваффақ бўлди. Португалиялик футболчи ҳар иккала тўпни пенальтидан киритди.

Шу тариқа, 34 ёшли футболчининг Италия А сериясидаги голлари сони 40тага етди. Шунингдек, у 10та голга узатма берган. Бунинг учун Роналдуга 50та ўйин керак бўлди.

Криштиану 2018 йилнинг ёзида «Ювентус»га ўтган пайтдан бошлаб Италия чемпионатида ҳеч бир футболчи бунча гол урмаган.

Бундан ташқари, Роналду бугун «кекса синьора» сафида барча мусобақалар доирасида ўзининг 50-голига муаллифлик қилди. Бунинг учун унга 70та баҳс етарли бўлди.

Криштиану А сериянинг ушбу мавсумида 19та гол билан тўпурарлар пойгасида 2-поғонада бормоқда. "Лацио" форварди Чиро Иммобиле ҳисобида 25та тўп мавжуд.