ОЧЛ гуруҳ босқичидан ўрин олган "Пахтакор" - "Шабаб Ал Аҳли" жамоалари ўртасидаги учрашувдан олдинги матбуот анжумани ташкил этилди.
Ушбу матбуот анжуманида “Пахтакор” клуби бош мураббийи Шота Арвеладзе ва жамоа ҳимоячиси Егорь Кримецлар иштирок этишди.
Арвеладзе: - Мавсум бошланаётгани билан барчани табриклайман. Тошкентда икки учрашув орқали мавсумни бошлаймиз. Бу мухлислар учун ёқимли бўлиши табиий. Гуруҳимиз кучли. Ишқибозларни стадионга чорлаб қоламан.
Арвеладзе: - Олдимизга гуруҳдан чиқиш вазифаси қўйилган. Ҳозирги ҳолатимиз яхши, лекин ўн ўйин ўтказганингда яхшироқ вазиятда бўласан. Ўтган йили ҳам биз учун мавсум шундай бошланганди. Рақибимиз ҳужумкор футбол ўйнайдиган жамоа. Таркибида яхши футболчилари бор. Чемпионатида яққол пешқадамлик қилмоқда. Барча ўйинчи эртанги беллашувда иштирок этишга шай ҳолатда туришибди.
Арвеладзе: - Биз ўз ўйинимизни, ҳужумкор футболни кўрсатишга ҳаракат қиламиз. Қолгани ўйиннинг қандай кечишига боғлиқ.
