OCHL guruh bosqichidan o‘rin olgan "Paxtakor" - "Shabab Al Ahli" jamoalari o‘rtasidagi uchrashuvdan oldingi matbuot anjumani tashkil etildi.

Ushbu matbuot anjumanida “Paxtakor” klubi bosh murabbiyi Shota Arveladze va jamoa himoyachisi Yegor Krimeslar ishtirok etishdi.

Arveladze: - Mavsum boshlanayotgani bilan barchani tabriklayman. Toshkentda ikki uchrashuv orqali mavsumni boshlaymiz. Bu muxlislar uchun yoqimli bo‘lishi tabiiy. Guruhimiz kuchli. Ishqibozlarni stadionga chorlab qolaman.

Arveladze: - Oldimizga guruhdan chiqish vazifasi qo‘yilgan. Hozirgi holatimiz yaxshi, lekin o‘n o‘yin o‘tkazganingda yaxshiroq vaziyatda bo‘lasan. O‘tgan yili ham biz uchun mavsum shunday boshlangandi. Raqibimiz hujumkor futbol o‘ynaydigan jamoa. Tarkibida yaxshi futbolchilari bor. Chempionatida yaqqol peshqadamlik qilmoqda. Barcha o‘yinchi ertangi bellashuvda ishtirok etishga shay holatda turishibdi.

Arveladze: - Biz o‘z o‘yinimizni, hujumkor futbolni ko‘rsatishga harakat qilamiz. Qolgani o‘yinning qanday kechishiga bog‘liq.