Франция чемпионатининг 24-туридан ўрин олган учрашувда «ПСЖ» ўз майдонида «Лион»ни қабул қилди.

Биринчи бўлимда Анхель ди Мария ва Килиан Мбаппе рақиб дарвозасини бир мартадан ишғол қилишган бўлса, иккинчи бўлим бошида Марсал ўз дарвозасини ишғол қилиб қўйди. Натижада парижликлар 3та тўп фарқи билан олдинга чиқиб олишди.

Аммо 52 ва 57-дақиқаларда меҳмонлар икки марта "ПСЖ" дарвозасини забт этиб, ўйинга интригани қайтаришди.

Баҳснинг 79-дақиқасида эса майдонга тушганига кўп бўлмаган Эдинсон Кавани ўз ҳисобига битта гол ёзиб, амалда ўйин тақдирини ҳал қилди.

Шу тариқа, "Пари Сен-Жермен" ўз очколарин 61тага етказди ва 2-поғонадаги "Марсель"дан 12 очко олдинда бормоқда.

Франция чемпионати, 24-тур
ПСЖ – Лион 4:2 (2:0, 2:2)
Голлар: 1:0 – 22 Ди Мария, 2:0 – 38 Мбаппе, 3:0 – 47, автогол Марсал, 3:1 – 52 Терье, 3:2 – 59 Дембеле, 4:2 – 79 Кавани.
ПСЖ – Навас, Менье, Керер, Кимпембе, Курзава, Верратти, Гуйе, Ди Мария (Паредес, 85), Дракслер (Сарабия, 65), Икарди (Кавани, 76), Мбаппе.
Лион – Антони Лопеш, Рафаэл, Марсело, Денайер, Марсал (Тете, 56), Тиаго Мендес, Тузар, Шерки (Токо-Экамби, 56), Ауар, Терье (Траоре, 77), Дембеле.
Огоҳлантиришлар: Кимпембе (45), Токо-Экамби (90), Марсело (90).