Октябрь ойида юртимизда ўтказиладиган 19 ёшгача бўлган футболчилар ўртасидаги Осиё чемпионатига тайёргарлик олиб бораётган Тимур Кападзе бошчилигидаги Ўзбекистон ёшлар жамоаси 31 январдан буён Туркияда йиғин ўтказмоқда. Бу ҳақда ЎФА расмий сайти хабар бермоқда.

Мазкур ўқув-машғулот йиғини доирасида ёшларимиз бугун, 11 февраль куни сўнгги ўртоқлик ўйинида майдонга тушди. Россия U-19 терма жамоасига қарши ўтган ўйин 0:2 ҳисобида рақиблар фойдасига ҳал бўлди. Вакилларимиз учун ушбу йиғин якунланди ва жамоа 12 февраль куни юртимизга қайтиб келади.

Ўртоқлик учрашуви. Туркия, Белек.
11 февраль (сешанба)
Ўзбекистон U-19 – Россия U-19 0:2
Ўзбекистон U-19: Шукрон Йўлдошев, Жасур Холдоров, Aбубакр Турдалиев, Саидазамат Мирсаидов, Иброҳимхалил Йўлдошев, Муҳаммадазиз Иброҳимов, Жасур Жалолиддинов, Диёр Раҳимқулов, Aбдулазиз Aбдусаломов, Aсаджон Aзимжонов, Улуғбек Хошимов.
Захира: Иззат Турсунов, Шохжаҳон Султонмуродов, Aлибек Давронов, Жафар Каримов, Элдорбек Бегимов, Aбдурауф Бўриев, Диёр Рамазонов, Иброҳим Ибрагимов, Муҳаммадқодир Раҳимберганов, Музаффар Олимжонов, Руслан Розиев, Отабек Жўрақўзиев. 

Маълумот учун, Кападзе шогирдлари 8 февраль куни Украинанинг «Шахтёр» U-21 клубига қарши баҳсда 3:3 ҳисобини қайд этганди.