Мюнхеннинг "Бавария" ва Лондоннинг "Челси" клублари собиқ ярим ҳимоячиси Михаэль Баллак ЕЧЛнинг 1/8 финал доирасида бўлиб ўтадиган ушбу жамоалар ўртасидаги учрашувда “Бавария” клуби фаворит эканлигини айтиб ўтди.
"Бавария" кўплар омилларга кўра ушбу учрашув фаворити ҳисобланади. “Бавария”да кўпроқ тажрибали футболчилар бор, "Челси" эса трансфер ойнасидаги тақиқ сабабли, таркибни ёшартиришга мажбур бўлди. Шунингдек, "Челси"ни унчалик тажрибали бўлмаган ёш мураббий бошқармоқда. Шу сабабли, ташаббус кўпроқ "Бавария" томонда. Қолаверса, “Бавария” бу йил ўтган мавсумга қараганда стабил ўйин намойиш этмоқда", - Баллакнинг сўзларидан иқтибос келтирмоқда Goal.
"Челси" - "Бавария" жамоалари ўртасидаши дастлабки учрашув 25 февраль куни бўлиб ўтади. Жавоб учрашуви эса 18 мартга режалаштирилган.
