Myunxenning "Bavariya" va Londonning "Chelsi" klublari sobiq yarim himoyachisi Mixael Ballak YECHLning 1/8 final doirasida bo‘lib o‘tadigan ushbu jamoalar o‘rtasidagi uchrashuvda “Bavariya” klubi favorit ekanligini aytib o‘tdi.
"Bavariya" ko‘plar omillarga ko‘ra ushbu uchrashuv favoriti hisoblanadi. “Bavariya”da ko‘proq tajribali futbolchilar bor, "Chelsi" esa transfer oynasidagi taqiq sababli, tarkibni yoshartirishga majbur bo‘ldi. Shuningdek, "Chelsi"ni unchalik tajribali bo‘lmagan yosh murabbiy boshqarmoqda. Shu sababli, tashabbus ko‘proq "Bavariya" tomonda. Qolaversa, “Bavariya” bu yil o‘tgan mavsumga qaraganda stabil o‘yin namoyish etmoqda", - Ballakning so‘zlaridan iqtibos keltirmoqda Goal.
"Chelsi" - "Bavariya" jamoalari o‘rtasidashi dastlabki uchrashuv 25 fevral kuni bo‘lib o‘tadi. Javob uchrashuvi esa 18 martga rejalashtirilgan.
