The Athletic нашрининг тарқатган маълумотига қараганда, Англиянинг «Манчестер Сити» клуби ёзда уч нафар футболчисини сотмоқчи. Гап Габриэль Жезус, Николас Отаменди ва Бенджамен Мендилар ҳақида кетмоқда.
Клуб раҳбарияти бу уч футболчининг ўйинларидан қониқиш ҳосил қилмаяпти, шу боис, раҳбарият бу уч футболчига ёзгача ўзларига янги жамоа топишлари ҳақида огоҳлантириш берди.
Қайд этилишича, бу уч нафар футболчининг трансферидан тушадиган маблағ ҳужумчи ва марказий ҳимоячи сотиб олиш учун сарф қилинади.
Эслатиб ўтамиз, «шаҳарликлар» «Лестер» футболчиси Чаглар Сеюнджюга қизиқиш билдиришмоқда.
