"Наполи" ҳимоячиси Эльсеид Хюсайнинг манфаатларини ифода этган футбол агенти Марио Жуффреди Неаполитан клубининг собиқ бош мураббийи Карло Анчелоттини танқид қилди.
Жуффредининг сўзларига кўра, италиялик мутахассис ўтган йилнинг декабр ойида "Наполи"дан ҳақли равишда ишдан бўшатилган.
"Анчелотти Хюсайнинг ўзига бўлган ишончини йўқотди. Карлонинг Наполидаги бизнеси яхши кетмади, акс ҳолда у кетмаган бўлар эди.
Мен мураббий ва футболчилар ўртасидаги муносабатлар ҳақида гаплашмасликни маъқул кўраман, аммо Анчелотти кўплаб ўйинчиларни синдирди", - деди Жуффреди "Punto Nuovo" радиосига берган интервюсида.
Маълумот ўрнида, ушбу мавсумда Эльсеид Хюсай "А" Серияда 12 та учрашув ўтказиб, 1 та голлик узатма амалга оширган ва учта сариқ карточка олган.
