«Порту»нинг испаниялик дарвозабони Икер Касильяс клуб президентини фаолиятини якунлаётгани ҳақида огоҳлантирди.

Жорже Нуну Пинту да Коштанинг сўзларига кўра, 38 ёшли дарвозабон майдон ташқарисидаги режаларини амалга оширмоқчи.

Эслатиб ўтамиз, Касильяс Испания Қироллик футбол федерацияси (RFEF) президентлигига ўз номзодини қўймоқчи эканлиги ҳақида хабарлар тарқатилганди.

Касильяс ушбу қарорни қабул қилишдан олдин “Порту” клуби офисига ташриб буюрди ва клуб президенти билан режалари ҳақида ўртоқлашди.

«Унинг режаларини эшитиб хурсанд бўлдим. У мени ҳаяжонлантирди. Касильяснинг профессионал фаолияти аъло даражада ўтди, у атиги иккита жамоада ўйнади холос. Икки клуб ҳам унинг юрагининг тубидан жой олганини биламиз. Мен уни соғинаман», - да Коштунинг сўзларидан иқтибос келтирмоқда O Jogo.

Эслатиб ўтамиз, ўтган йили Касильяс машғулот чоғида юрак касаллигини бошдан кечирган, кейинроқ эса операция қилинганди. Ноябрь ойида эса «Порту» машғулотларига қайтган эди.