«Тоттенхэм» бош мураббийи Жозе Моуриньо Европа чемпионлар лигасининг нимчорак финал босқичи доирасида бўлиб ўтган «РБ Лейпциг»га қарши ўйин (0:1) борасида ўз фикрларини билдириб ўтди.

Иккита ўзгаришдан кейин майдонда ҳақиқий «шпорлар»ни кўрдик

«Ҳақиқий «шпорлар», нима дегани? Келинг, йигитларга раҳмат айтамиз, улар қўлдан келган барча ишни қилишди.

Ламела [захирадан тушганлардан бири] — жамоа билан нечта машғулотдан иштирок этганини биласизми? Ноль. Жароҳатдан кейин физиотерапевт билан тикланиш жараёнини ўтаётган эди. Кейин эса дарҳол Чемпионлар лигасида майдонга тушиб, 20 дақиқа ўйнади.

Иккита нуқта назар бор. Биз ажойиб жамоа, ажойиб йигитлар йиғилган, лекин, бошқа томондан, ҳозирги ҳолатимизни кўриб турибсиз. Бу гўёки жангга ўқсиз тўппонча билан боришга ўхшайди.

Баъзи вазиятларда бизга омад кулиб боқди, аммо бизнинг ажойиб дарвозабонимиз иккита сэйвни амалга оширди.

Мен 0:1 ҳисобидан хавотир олаётганим йўқ, биз сафарда ғалаба қозонишимиз мумкин. Мен хавотирга солаётган томони шундай иборатки, мавсумнинг қолган ўйинлари учун ихтиёримизда фақат шу футболчилар бор.

Моура тўлиқ чарчади, Бергвейн ҳолдан тойди, Ло Чельсо силласи қуриди. Бизда жиддий муаммолар бор. Агар бу битта ўйин бўлганида, муаммо йўқ, деб айтган бўлардим. Аммо бизни олдинда АПЛ ва Англия кубоги баҳслари кутиб турибди», – деди Моуриньо.