Лондоннинг “Арсенал” клуби ярим ҳимоячиси Месут Ўзил жамоа билан биргаликда Европа Лигасининг 1/16 финал доирасида “Олимпиакос” клубига қарши бўлиб ўтадиган баҳсда иштирок этиш учун Грецияга бормаган.
The Sun нашрининг тарқатган маълумотига қараганда, яқин кунлар ичида футболчининг турмуш ўртоғи Амина Гюльше биринчи фарзандини дунёга келтириш арафасида турибди.
“Арсенал” клуби бош мураббийи Ўзил турмуш ўртоғига далда бўлиши кераклигини айтиб, уни Лондонда қолишига рухсат берган.
Қайд этилишича, германиялик 31 ёшли ярим ҳимоячи 23 феврал куни АПЛ доирасида “Эвертон” клубига қарши бўладиган учрашувда майдонга тушади.
