Англиянинг «Манчестер Юнайтед» клуби ярим ҳимоячиси Хуан Мата Европа Лигаси доирасида «Брюгге» устидан қозонилган ғалаба ҳақидаги фикрлари билан ўртоқлашди.
«Иккинчи голни киритиш ва сафардаги ғалабани кафолатлаш учун учун яхши имкониятларга эга бўлдик. Лекин, «Брюгге» ҳам ёмон ўйин намойиш этмади. Улар тўп учун курашларда жуда яхши ҳаракат қилишди, қолаверса, ҳимояда ҳам яхши ўйин намойиш этишди.
Биз ҳар доим ҳам бўш зоналарга эга бўлавермадик. Афсуски, кераксиз бўлган голни ўтказиб юбордик. Лекин биз «Брюгге»нинг хатосидан унумли фойдаланиб, ҳисобни тенглаштирдик. Бугун ғалаба қозонишни роса хоҳлаган эдик. Сафардаги дуранг – ёмон натижа эмас», — деди Хуан Мата.
