Испания чемпионатининг 25-тури доирасида «Барселона» ўз уйида «Эйбар»ни қабул қилиб, йирик ҳисобда ғалаба қозонди.

Бунгача Ла лига доирасида кетма-кет 4та ўйинда гол ура олмаган Лионель Месси, бу сафар рақиб дарвозасини нақ 4 марта ишғол қилди.

Аргентиналик футболчи биринчи бўлимда рақиб дарвозасига 3 марта йўл топган эди. Иккинчи бўлимда захирадан майдонга тушган Брэйтуэйт Мессининг тўртинчи голига ҳаммуаллифлик қилди. Шунингдек, "Барса"нинг янги футболчиси бешинчи голда ҳам ассистентлик вазифасини бажарди.

Ушбу ғалабадан кейин ўз очколарини 55тага етказиб, жадвалда 1-ўринга кўтарилиб олди. "Реал" эса бугун тунда "Леванте" меҳмони бўлади. Навбатдаги турда — 1 март куни "эл-класико" кутиб турибди.

Испания Ла лигаси, 25-тур
БАРСЕЛОНА – ЭЙБАР - 5:0 (3:0)
Голлар: 1:0 – 14 Месси, 2:0 – 37 Месси, 3:0 – 40 Месси, 4:0 – 87 Месси, 5:0 – 89 Артур.
Барселона – тер Стеген, Пике (Умтити, 68), Фирпо, Семеду, Лангле, Артур, Ракитич, Бускетс (де Йонг, 59), Видаль, Месси, Гризманн (Брэйтуэйт, 72).
Эйбар – Дмитрович, Арбилья, Техеро, Бургос, Хосе Анхель, Эскаланте, Диоп, Инуи (Де Бласис, 66), Орельяна, Экспосито (Кристофоро, 83), Энрик (Кике Гонсалес, 66).
Огоҳлантиришлар: Эскаланте (64), Диоп (85).