Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Месси «Барселона» рекордини ўрнатди

Баҳо:
+ | -

«Барселона» клуби Испания чемпионатининг 25-туридан ўрин олган «Эйбар»га қарши ўйинда йирик ҳисобда (5:0) ғалаба қозонди. Каталонияликлар сардори Лионель Месси бугунги ўйинда 4та гол уришга муваффақ бўлди.

Аргентиналик футболчи учун бу Испания Ла лигаси доирасидаги бешинчи "покер" бўлди. Аввалроқ у 2017/18, 2012/13 ва 2011/12 (икки марта) мавсумларда "покер"ни расмийлаштирган эди.

Журналист Педро Мартин тарқатган хабарга кўра, Месси «Барселона» футболчилари орасида битта ўйинда 4та гол уриш бўйича биринчи ўринга кўтарилиб олди. Каталонияликларнинг собиқ ҳужумчиси Сесар Родригес фаолияти давомида 4 марта "покер"га эришган.

Испания чемпионатлари тарихида "покер"лар бўйича «Реал» клуби собиқ ҳужумчиси Криштиану Роналду (7) ва «Атлетик» форварди Тельмо Сарра (8) Мессини ортда қолдиришмоқда.

Лионель Мессининг фаолиятидаги "хет-трик"лар сони эса 54тага етди. Уларнинг 36тасига ҳужумчи Испания чемпионатида эришган. Ла лигадаги "хет-трик"лар бўйича иккинчи кўрсаткич Криштиану Роналдуга тегишли (34та).

Манба: sports.ru
Киритилди: 22:38, 22.02.2020.
Ўқилди: 7799 марта.
Фикрлар: 11 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.