«Реал» ярим ҳимоячиси Эден Азар Испания Ла лигасининг 25-туридан ўрин олган «Леванте»га қраши ўйинда (0:1) жароҳат олди.

Баҳснинг 67-дақиқасида захирага олинди ва майдонни тарк этар экан, оқсоқланиб майдондан чиқиб кетди. Захира ўриндиғида бельгиялик футболчининг ўнг оёғига муз боғлаб қўйилди. Ўйиндан кейин ҳам у стадионни чўлоқланганча тарк этди.

«У тўпиғидан зарба қабул қилди, дастлабки ҳиссиётлар ёмон. Азар эртага чуқурлаштирилган тиббий кўрикдан ўтади ва шундан сўнг маълум бўлади», – деди Зидан ўйиндан кейин.

"Реал"ни 26 февраль куни Европа чемпионлар лигаси нимчорак финал босқичи доирасида "Манчестер Сити", 1 март куни эса Ла лига доирасида "Барселона"га қарши ўйинлар кутиб турибди.

Аввалроқ Азар жароҳат туфайли 2,5 ой майдондан ташқарида қолиб, сафга қайтганига 1 ҳафта бўлган эди.