Италиянинг «Милан» клуби техник директори Паоло Мальдини жамоа ҳужумчиси Златан Ибрагимовичнинг шартнома шартлари ҳақида фикр билдирди.
- Златан билан тузилган шартнома ярим йил муддатга амал қилади, лекин у шартномада “Милан” ЕЧЛда қатнашиш ҳуқуқини қўлга киритса, у ҳолда ўртадаги шартнома автоматик тарзда узайтирилади. Агар жамоамиз ЕЧЛга йўл ололмаса, у ҳолда Златан билан қайтадан музокара ўтказамиз. Ибрагимович билан шахсий ёндошув доим бўлиши керак, чунки бу ерда очиқ мулоқот бўлгани яхши. Лекин бу борада муаммо йўқ, акс ҳолда у бизнинг жамоага келмаган бўларди, —Мальдинининг сўзларидан иқтибос келтирмоқда Sky Sport Italia.