Франциянинг “ПСЖ” клуби дарвозабони Марчин Булка “Ювентус” клуби бош мураббийи Маурицио Сарри билан бирга ишлаган дамларини хотирлади.

Ўтган йили польшалик дарвозабон “Челси”дан “ПСЖ”га кўчиб ўтди. У Маурицио Сарри қўл остида “Челси” таркибида бир марта ҳам майдон тушмаганди.

"Маурицио Сарри билан ишлаш ёқимсиз эди. У футболчиларни ёмон сўзлар билан жуда кўп ҳақорат қиларди. Аввалига итальян тилида бошлаб, кейин инглиз тилида давом эттирарди", - деди Булка Foot Truck порталига.

"Бир марта Маркос Алонсо ёки Педро машғулот пайтида қандайдир кўрсатмани нотўғри бажаришганди, шунда Сарри ғазабланиб куракда турмайдиган сўзлар билан ҳақорат қилганди".

Эслатиб ўтамиз, Сарри ёзда “Челси” клубини тарк этди ва Туриннинг “Ювентус” клубида ишлашда давом этмоқда. У “Ювентус”да ҳам Игуаин билан тез-тез тортишиб туради.