ЕЧЛ 1/8 финалининг дастлабки учрашувида "Челси" ўз майдонида "Бавария"ни қабул қилади.
Мюнхен клуби ҳимоячиси Жошуа Киммих бу учрашув ҳақида фикр билдирди.
"Челси"да жуда кўп қизиқарли футболчилар бор, уларда ёшлик ва тажриба яхши аралашган. Улар АПЛда тўртинчи ўринни эгаллаб туришибди, аммо бу мавсумда уларда жуда кўп камчиликлар бор. Ўйлайманки Лондонда ажойиб муҳит бўлади. Ўтган мавсумда АПЛ халқаро майдонда яққол устунлик қилди. Биз улар билан рақобатлаша олишимизни кўрсатмоқчимиз.
Албатта, ЕЧЛда ғалаба қозониш бу жуда катта орзудир. Бунинг учун бизда ҳамма нарса бор, биз "Ливерпуль"га қарши ўтган йилгига қараганда кўпроқ ишончли ўйнашимиз керак", - деди Киммих УЕФА расмий сайтида.
