Мадриднинг «Реал» клуби ҳимоячиси ва сардори Серхио Рамов ЕЧЛ доирасида «Манчестер Сити» клубига қарши бўлиб ўтадиган учрашувдан олдинга фикрлари билан ўртоқлашди.
«Реал»дагиларнинг барчаси ЕЧЛ ўзаги хос турнир эканлигини яхши тушунишади. Бу мусобақанинг мадҳияси бизга қўшимча куч бағишлайди. Ўйлайманки, бу мусобақада қандай қилиб ғолибликларни қўлга киритганимизни англатади.
Ҳар бир клуб аввало натижага интилади. «Леванте» клубига ютқазганимизга қарамасдан, яхши ўйин намойиш этгандик. Мавсумнинг муҳим палласи кириб келмоқда, ЕЧЛ доирасидаги уй ўйинимиздан кейин, «Барселона» клубига қарши муҳим ўйин кутиб турибди.
Сўнгги учрашувда гол киритиш учун имкониятларимиз кам бўлди деб ўйламайман. Шунчаки гол ура олмадик. Асосийси, биз ўз ишимизни тўғри бажаряпмиз», — деди Серхио Рамос.
