«Ювентус», «Милан» ва Италия терма жамоаси собиқ ярим ҳимоячиси Андреа Пирло Марио Балотелли терма жамоага қайтиши учун нима қилиш кераклигини айтиб ўтди.
«Балотелли «Брешия»да ўйнашга қарор қилди, бу эса унинг терма жамоага қайтиш нияти борлигини англатади. У тўғри йўлни танлади. Ўз ишига меҳр билан ёндошса, албатта ҳаммаси ўз жойига тушади ва терма жамоага қайтиш имконияти ошади.
Ҳамма нарса унинг ўзига боғлиқ эканлигини тушуниши муҳимдир. Агар у буни майдонда исботлай оламаса, у ҳолда у ҳеч нарса ҳақида ўйламаслиги керак»-деди Пирло.
