Ўзбекистон чемпионатининг 1-тури доирасида «Локомотив» ўз уйида «Андижон»ни қабул қилиб, кичик ҳисобда ғалаба қозонди.

Биринчи бўлимда мезбонлар рақиб дарвозасини икки марта ишғол қилишди. Ҳар иккала гол россиялик ҳужумчи — Кирилл Погребняк ҳисобига ёзилди. У иккала голини бош билан уришга муваффақ бўлди.

Ўйин тугашига 3 дақиқа қолганида "темирйўлчилар" дарвозаси томон пенальти белгиланди. Жамшид Ҳасанов ундан самарали фойдаланиб, ҳисобдаги фарқни биттага қисқартирди.

Қолган дақиқаларда "Локомотив" ғалабани сақлаб қолди ва ўз ҳисобига дастлабки 3 очкони ёзиб қўйди.

Суперлига, 1-тур.
«Локомотив» - «Андижон» - 2:1 (2:0)
Голлар: Кирилл Погребняк (10, 30) — Жамшид Ҳасанов (87-пенальти)
«Локомотив»: 1.Игнатий Нестеров, 4.Шаҳзод Шайманов, 5.Деян Дамянович, 6.Даврон Умиров, 7.Кахи Махарадзе, 9.Кирилл Погребняк (77.Диёржон Туропов, 67), 10.Марат Бикмаев, 11.Темурхўжа Абдухолиқов, 24.Даврон Ҳошимов, 33.Олег Зотеев, 37.Шерзод Файзиев.
«Андижон»: 1.Аслонбек Аҳроров, 3.Азамат Исроилов, 5.Хушнудбек Авилов, 7.Жамшид Ҳасанов, 8.Фарҳод Бекмуратов, 11.Сирож Мелиев, 17.Абдуллоҳ Алимов, 22.Усмонали Исмоналиев, 23.Тимур Усмонов (10.Артём Литвяков, 66), 27.Муҳаммадали Юлдашев (25.Қаҳрамон Баҳодиров, 70), 88.Дмитро Зозуля.
Бош ҳакам: Аҳрол Рисқуллаев