Ушбу рукнимиздаги энг сўнгги янгиликлар билан таништиришда давом этамиз.
Аргентиналик футболчи «Милан»га ўтади
“Удинезе” жамоаси футболчиси Родриго Де Паул ёзда кучлироқ жамоага ўтиши мумкин. Ярим ҳимоячининг ҳизматлари билан “Милан” жиддий қизиқиб қолган. Бу ҳақида бир нечта Италия нашрларни маълум қилмоқда.
“Удинезе” жамоаси аллақачон аргентиналик футболчи борасидаги таклифларни кўриб чиқишни бошлади. Футболчининг ўзи келаси мавсумда олдига катта мақсадларни қўяётган “Милан”га ўтишни истамоқда.
Эслатиб ўтамиз, Де Паул шу кунга қадар миллий терма жамоа сафида 17 та ўйин ўтказишга муваффақ бўлди.
“Лестер” янфи футболчи олади
Англиянинг “Лестер” жамоаси Франциянинг “Нитца” клуби ярим ҳимоячиси Арно Лусамбани ўз сафига қўшиб олишга жуда яқин турибди. Бу ҳақида “DailyMail” нашри маълум қилмоқда.
Манба берган хабарларга кўра, франциялик футболчи “Лестер” сафига эркин агент мақомида келиб қўшилади. Унинг “Нитца” билан тузган шартномаси июн ойида ўз якунига етади. Унинг янги жамоасидаги маоши борасида маълумотлар ҳозирча йўқ.
Қайд этиб ўтиш жоиз, Лусамба “туликлар” ярим ҳимоячиси Юр Тилиманс билан дўстона алоқада. “Лестер” раҳбарлари бу алоқалар майдонда ҳам катта наф келтиришига умид қилишмоқда.
Мюнҳен клуби иккита футболчини харид қилмоқчи
Таниқли “DailyMail” нашри берган хабарларга кўра, “Бавария” янги иқтидорларни харид қилиш мақсадида Англия футболига муржаат қилади. Жамоа ёзда ҳуқуқлари “Манчестер Юнайтед”га тегишли бўлган Дин Хендерсон ва “Тоттенҳем” ҳужумчиси Трой Пэрротт билан жидий қизиқиб қолган.
Немис клуби иккита иқтидор эгаси билан ҳам ёзда шартнома тузишни режалаштирмоқда. Пэрротт айни дамда “Тоттенҳем” сафида ўйин амалиётисиз қолиб кетаётган бўлса, Дин Хендерсон АПЛ клублари эътибор марказида турибди.
“Челси”дан кўтара савдо
“TheSun” нашри берган маълумотларга қараганда, “Челси” ёзда бир йўла саккизта футболчисини сотиб юборишни режалаштирмоқда. Манбанинг маълум қилишича, жамоа ёзда : Курт Зума, Педро, Виллиан, Маркос Алонсо, Кепа Аррисабалага, Жоржиньо, Эмерсон ва Росс Барклиларга “жавоб бериб юбормоқчи”.
Лондонликлар ушбу футболчиларнинг трансферларидан камида 175 миллион евро ишлаб олишни режалаштирмоқда. “Аристократлар” мавсум бошида яна 150 миллион евро трансферлар учун ажратган холда Жейдон Санчо, Облак,Вернер, Упаменко ва Чилуэлларни жамоага олиб келишни режалаштиришмоқда.
“Манчестер Юнайтед” марказни кучайтирмоқчи
Англиянинг “Манчестер Юнайтед” жамоаси ёзда яна бир ярим ҳимоячини сотиб олишни режалаштирмоқда. Бу ҳақида бир нечта инглиз нашрлари маълум қилмоқда. Айни дамда “Фиорентино”нинг 22 ёшли футболчиси Федерико Кьеза “қизил иблислар” нишонида турибди.
Ярим ҳимоячининг ҳизматлари билан шахсан Сулшернинг ўзи қизиқаётгани трансфернинг амалга ошиш эҳтимолини кескин ошириб юборди. Аввалроқ норвегиялик мураббий ўз скаутини Федериконинг ўйинини стадионда кузатиш учун Италияга юборгани ҳақида маълум қилган эдик.
Шу ўринда “Фиорентина” ҳам ўз футболчисини жамоада салқаб қолиш учун ҳамма нарсага тайёр эканлигини унутмаслик лозим. Италия нашрлари берган хабарларга кўра, “Фиорентина” тез орада ярим ҳимоячига янгиланган ва яхшиланган шартнома таклиф қилади.
Трансфермаркет портали италиялик футболчини айни дамда 60 миллион еврога баҳоламоқда.
Жоржинога иккита клуб даъвогар
Лондоннинг “Челси” жамоаси ёзда қўйиб юбориши куилаётган футболчилар ичидаги Жоржино учун иккита клуб даъвогарлик қилмоқда.
ТМW нашри берган хабарларга кўра, ярим ҳимоячининг ҳизматлари билан “Ювентус” ва ПСЖ клублари қизиқиш билидирмоқда.
Футболчининг клуб тузган шартномаси 2023-йилга қадар мўлжалланган бўлиб, “Челси” Жоржинони 2018-йилда 58 миллион евро эвазига сотиб олган эди.
