Олий хоккей лигасининг плей-офф босқичида иштирок этаётган Ўзбекистоннинг "Ҳумо" клуби бугун ўта қийин баҳсни ўтказди.

Тошкентликлар бугун Россиянинг "Торос" клубига қарши сериядаги 6-ўйинни ўтказишди. Нефтекамскликларга қарши бугунги баҳсда "Ҳумо"га ғалаба жуда зарур эди. Акс ҳолда чорак финалга рақиб жамоа йўл олар эди.

Биринчи бўлимга тугашига 3 дақиқа қолганида Яценко Иван жамоамизни олдинга олиб чиқди. Ўйин давомида устунлик ўзбекистонликлар томонида бўлди. Айниқса, учинчи даврда "Торос"нинг бирйўла икки хоккейчиси майдондан четлатилган пайтдаги устунликдан "Ҳумо" аъзолари фойдаланишди. Аксинча, учрашувнинг асосий вақти тугашига 4 дақиқадан камроқ вақт қолганида россияликлар ҳисобни тенглаштиришди.

20 дақиқалик овертаймнинг биринчисида ҳисоб ўзгармади. Иккинчи овертаймда эса "Ҳумо" ғалабани илиб кетиш учун ажойиб имкониятга эга бўлди. Рақиб томонидан ишлатилган қоидабузарлик туфайли "Торос" дарвозасига буллит белгиланди. Аммо Артём Воронин ушбу имкониятдан фойдалана олмади.

Шунга қарамай, орадан кўп ўтмасдан хоккейчиларимиз Максим Казаковни дарвозабон билан яккама-якка вазиятга чиқариб юборишди ва дарвозани ишғол қилди.

Шу тариқа, "Торос" ва "Ҳумо" жамоалари ўртасидаги серияда ҳисоб тенглашди — 3:3. Ҳал қилувчи баҳс 7 март куни Нефтекамск шаҳрида бўлиб ўтади.

Олий хоккей лигаси, плей-офф
"Ҳумо" - "Торос" - 2:1 (ОТ)