“Манчестер Юнайтед” ҳимоячиси Харри Магуайр Англия Кубоги доирасидаги “Дерби”га қарши ўйин қайдномасидан ўрин олмади. “Қизил иблислар” бош мураббйи Оле-Гуннар Сульшернинг маълум қилишича, футболчи оёғидан жароҳат олган. Унинг “Сити”га қарши ўйинда иштирок этиши сўроқ остида турибди.

“У машғулотларда оёғини қайириб олди, афсус бугун ўйнаши керак эди. Умид қиламиз, у тикланишга улгуради, бироқ мен ишонмаяпман”, -дейди Сульшер.

Эслатиб ўтамиз, Магуайр жорий мавсум “МЮ”нинг АПЛдаги бирорта ўйинини ўтказиб юбормаган.