Суперлига 2-туридан ўрин олган “Навбаҳор” – “Локомотив” (2:0) учрашувидан сўнг мезбонлар устози Андрей Канчельскис матбуот анжуманида иштирок этди.

“Барча наманганлик мухлисларни ва футболчиларимни ғалаба билан табриклайман. Ўйлашимча бугун биз кучли ўйин намойиш қилдик ва ғалабага ҳақли эдик. Мақсадимиз – ҳар бир ўйинда ғалаба учун майдонга тушиш. Агар шундай ўйнашда давом этсак, ўйлайманки, юқори ўринлар учун курашамиз. “Локомотив” кучли ва ҳурматга лойиқ жамоа, аммо биз бугун улардан яхшироқ ҳаракат қилдик”, - деди Канчельскис.