Франкфуртнинг "Айнтрахт" ярим ҳимоячиси Филип Костич Германия футбол иттифоқидан интизомий жазога тортилди. Бу ҳақида Kicker хабар бермоқда.
Футболчи Германия кубогининг тўртта ўйинига дисквалификатция қилинди. Костич Германия кубоги чорак финалида "Вердер"га қарши учрашувида (2:0) Омер Топракга қилган қўпол хатоси учун жазоланди.
"Айнтрахт" "Вердер" устидан қозонилган ғалаба туфайли, Германия кубогининг 1/2 финал иштирокчисига айланди. Турнирнинг қуръа ташлаш маросими 8-март, якшанба куни бўлиб ўтади.
Эслатиб ўтамиз, "Айнтрахт"нинг ярим финалдаги рақиблари қуйи лигадаги "Саарбрюккен", "Бавария" ёки "Байер" бўлиши мумкин.
