Жозе Моуриньо "Порту" билан ЧЛда бош совринни қўлга киритганда у 16 ёшда эди! 16 йил ўтиб эса у Моурни икки ўйинда 4:0 ҳисобида енгди. Юлиан Нагельсман мураббийлик фаолиятини бошлаган 2008 йилда ҳали "РБ Лейпциг" деган жамоанинг ўзи йўқ эди. Энди эса бу клуб Европанинг энг кучли 8 жамоасидан бирига айланди.

Ҳа, Нагельсман 32 ёшда, ҳудди Испанияда "Валенсия" дарвозасига 4 та гол урган Йосип Иличич каби. Улар тенгдош!

Қисматни қарангки, бир оқшомда қаҳрамонга айланмоқдалар. Иличич "Аталанта"нинг юраги эмас, агар уни юрак десак, унда клубда юраклар сони кўпайиб кетади. Гомес, Сапата, Пашалич, Муриель, Гозенс... буларнинг бари исталган кун, исталган ўйинда гол машинага айланиши мумкин. Бу сафар эса словенияликнинг куни эди.

Демак, бу турнирни гуруҳ бошқичида 32 жамоа бошлаганди, энди 32 ёшли икки қаҳрамон сабаб "РБ Лейпциг" ва "Аталанта" саккизликда.

Қолганлар етиб олсинчи, кейин гаплашамиз!

Ориф Толипов.