Россия чемпионатининг 22-тури доирасида марказий ўйин бўлиб ўтди. «Ростов» ўз уйида «Локомотив»ни қабул қилиб, имкониятни бой берди.

Учрашувни асосий таркибда бошлаган Элдор Шомуродов 16-дақиқада гол уриш учун ажойиб имкониятга эга бўлди. Ерёменконинг узатмасидан кейин ҳамюртимиз дарвоза чизиғи олдидан тўпни ерга туширмасдан дарвоза томон тепди. "Темирйўлчилар" посбони Гильерме тўпни қайтарди. Орадан 5 дақиқа ўтиб "Локо" дарвозабони Элдорнинг 17 метрдан йўллаган зарбасини бартараф этди.

Москваликлар кутилмаганда ҳисобни очишди. Криховяк 30 метрлардан алламбало траектория билан зарба йўллади. Тўп эса тўсинга тегиб қайтдию, дарвозабоннинг бошига тегиб, тўрга бориб тушди.

"Локомотив" ҳисобни очиб олгач, "Ростов" иштиёқ билан олдинга ташланди, аммо кейинги мезбонлар кейинги 8 дақиқа ичида қарши ҳужумда яна 2та гол ўтказиб юборишди.

Иккинчи бўлим ўрталарида ҳакам москваликлар дарвоза томон пенальти белгилади. Попов ҳисобда фарқни биттага қисқартирди. Қолган дақиқаларда "Локо" ишончли ҳимояланиб, ғалабани ушлаб қолди.

Ушбу ғалабадан кейин "Локомотив" 41 очко билан 2-ўринга кўтарилган бўлса, "Ростов" 4-ўринга тушиб қолди.

Россия премьер-лигаси, 22-тур
Ростов – Локомотив 1:3 (0:3, 1:0)
Голлар: 0:1 – 34, автогол Песьяков, 0:2 – 38 Жемалетдинов, 0:3 – 42 Криховяк, 1:3 – 64, пенальти Попов.
Ростов – Песьяков, Хаджикадунич, Козлов, Осипенко, Чернов, Байрамян (Саплинов, 86), Норманн, Зайнутдинов (Долгов, 87), Еременко, Попов, Шомуродов.
Локомотив – Гильерме, Игнатьев, Кверквелия, Хеведес, Рибус, Миранчук, Криховяк, Жоау Мариу (Магкеев, 73), Баринов, Жемалетдинов (Идову, 82), Эдер.
Огоҳлантиришлар: Хажикадунич (54), Норманн (86), Баринов (90).