"Манчестер Юнайтед" "Аякс" ярим ҳимоячиси Денни ван де Бекка қизиқмоқда, деб хабар тарқатди "Marca".
Нашрнинг хабар беришича, инглиз клуби ёзги трансфер вақтида футболчини харид қилмоқчи. Аммо бу қийин бўлади, чунки футболчининг у учун 55 млн евро тўлашга тайёр бўлган "Реал"га ўтиши тўғрисида келишув бор. Шу билан бирга, "Аякс" ван де Бекни яна бир мавсум олиб қолмоқчи.
Ушбу мавсумда 22 ёшли футболчи барча турнирларда 37 та учрашув ўтказиб, 10 та гол урди ва 11 та ассистни амалга оширди. Унинг амалдаги шартномаси 2022 йилгача амал қилади.
