Бугун Беларусь чемпипонатининг янги мавсумига старт берилди. Ўзбекистонлик ярим ҳимоячи Жасур Яхшибоев учун «Энергетик-БГУ» клуби сафида расмий ўйиндаги дебюти анча омадли чиқди.

Ҳамюртимиз БАТЭга қарши ўйинни асосий таркибда бошлади ва биринчи бўлимнинг ўзида 2та гол уришга муваффақ бўлди. Жасур баҳснинг 27-дақиқасида ҳисобни очди. У рақиб жарима майдонига ёриб кирди, битта финт билан бир ҳимоячини, иккинчи уринишда иккинчисини алдади ва учинчи уринишди дарвозани ишғол қилди.

Орадан 7 дақиқа ўтиб Яхшибоевнинг ўзи ҳисобдаги фарқни 2тага оширди. Ҳужумдаги шериги Атаменг етказган узатмани ватандошимиз рақиб дарвозасига жойлаб қўйди. 

Ўйиннинг 66-дақиқада БАТЭ ҳужумчиси Скавиш ҳисобни қисқартирган бўлса, 90-дақиқада Бакич фарқни яна иккитага оширди – 3:1.

Учрашувнинг 84-дақиқасида Жасур Яхшибоев ўринга захирадан яна бир ўзбекистонлик футболчи Шаҳбоз Умаров ўйинда майдонга тушди.

Шу тариқа, «Энергетик-БГУ» биринчи турда Яхшибоевнинг дубли эвазига номдор БАТЭни мағлуб этишга эришди. ГОЛЛАРНИ КЎРИШ

Беларусь чемпионати, 1-тур
Энергетик-БГУ – БАТЭ 3:1
Голлар: 1:0 – 26 Жасур Яхшибоев, 2:0 – 34 Жасур Яхшибоев, 2:1 – 66 Скавиш, 3:1 – 90 Бакич.
Энергетик-БГУ – Лесько, Сокол, Шкурдюк, Свирепа, Мавату, Носко, Яхшибоев (Ш.Умаров, 84), Гирс, Тве, Мусаханян, Атеменг (Бакич 74).
БАТЭ – Чичкан, Филипенко, Настич, Волков, Бессмертний, Нехайчик, Стасевич, Бага, Драгун, Березкин, Скавиш.
Огоҳлантиришлар: Атеменг (19), Драгун (33), Мусаханян (36).