Sports.ru нашри кучли бешлик ва РПЛ мураббийлари орасидаги энг кўп огоҳлантирилганлари ва бу борада қаттиқ қўл ҳакамлар билан таништириб ўтади.
Энг қоидабузар мураббийлар қаерда?
Карточкалар масаласида “Кучли бешлик” мураббийлари “А серия” устозларидан сезиларли фарқ билан “ортда қолмоқда”. Мавсумнинг 3/2 қисми ортда қолганига қарамай, қизиққон италиян мураббийлари аллақачон 47 бор огоҳлантириш олишди. Шунингдек, улар хисобида 2 та сариқдан сўнг бериладиган қизил карточа ва яна шунча тўғридан-тўгри берилган қизил карточка мавжуд. Қувонарлиси шундаки, энг шиддатли лига бўлишига қарамай, АПЛ жамоалари устозлари анча ўзларини босиб олишган. Улар ҳисобида мавсум давомида атиги 6 та сариқ ва битта қизил карточка бор.
Энг кўп карточка олган мураббийлар
Eнг қизиғи шундаки, ВАР пайдо бўлгач ҳам мураббийларнинг ҳакамларга бўлган эътирози камайгани йўқ. Мисол учун АПЛдаги ягона қизил карточка эгаси Карло Анчелотти “Манчестер Юнайтед” га қарши учрашувдан сўнг, ҳакамларга билдирган эътирози сабабли қизил карточкага лойиқ кўрилган эди. Эътиборлиси шундаки, бугунги рўйхат пешқадами Валтер Мадцарри “Торино” жамоаси томонидан феврал ойида истеъфога чиқарилган. Италиялик мураббий бу мавсумдаги фаолияти давомида 5 бор қизил карточка олишга муваффақ бўлди. Олинган 5-карточка эса автоматик равишда қизилга айланган ва мураббий бир учрашувга четлатилган. Тўғри кейинчалик, мураббий ўз карточкалари борасида апелляцияга берди ва “А Серия” раҳбарлари унинг карточкаларидан бирини бекор қилди. Шунга қарамай, қаҳрамонимиз сентябрь ойида иккита сариқ карточка олгач майдонни тарк этишга улгургани “таҳсинга сазовор”
Мураббийларни энг кўп огоҳлантирган ҳакамлар
Ажабланарлиси шундаки, мураббийларга карточка кўрсатиш борасида “тенгсиз” саналган Фабри аслида жуда юмшоқ ҳакамлардан бири саналади. “А Серия” ўйинларида энг кам ҳуштак чалувчи (ҳар бир ўйинда ўртача 27,73) рефери мураббийлар билан сира чиқиша олмайди. Жадвалнинг биринчи ўрнида турган ҳакам борасида бундай деб бўлмайди. Француз ўзи ишлаган сўнгги 14 та учрашувда чўнтагидан нақд 8 бор қизил карточка олгани сўзимизга исбот бўла олади.
Россияда бу кўрсатгич борасида Владислав Безбородов яққол пешқадам. У ўзи ишлаган учрашувларнинг иккитасида мураббийларга сариқ карточка кўрсатган бўлса, битта учрашувда мураббийни майдондан четлатишгача борган.
