Ҳабиб Тони Фергюсон билан жанг қаерда бўлишини маълум қилди
UFCнинг енгил вазндаги чемпиони Ҳабиб Нурмагамедов 19-апрел санасида ўтказилиши кутилаётган “UFC 249” кечаси қаерда ташкиллаштирилиши борасида фикр билдирди. Унга кўра, спортчи Африканинг Конго ДР давлатидаги октагонка чиқишни таклиф этди.
Тони билан жангни Англияда ўтказиш вариянти устида бош қотираётган эдик. Эндиликда нафақат Англия, балки бутун Европанинг эшиклари биз учун вақтинча ёпилди. Россияда жанг ташкиллаштирилмаслиги аниқ. Сабаби, у ерда ҳам катта маштабдаги карантин кечмоқда. Осиёда жанг қилишнинг сира иложи йўқ. Шундай экан, Конго республикасида жанг ташкиллаштирилади деган миш-мишлар ҳақиқатга бироз яқинроқ турибди. Хўш, жанг Конгода бўлиб ўтса нима қилипти?
Биз Тони билан жангимизни Конгонинг жунглиларида ўтказишимиз мумкин. Бир пайтлар Муҳаммад Али ва Жорж Форман сингари. Жанг қаерда бўлиши эмас, унда кимлар октагонга кўтарилиши муҳим. Муҳаммад Алининг Африка қитъасида ўтказган жанги ҳам тарихда абадий қолгани рост. У ердаги футбол майдонида жанг ўтказиш фикри йўқ эмас. Агар биз учун айнан Конго ДР барча қулайликларни тақдим этар экан, нима учун жангни у ерда ўтказмаслигимиз керак?
