Кириш Регистрация

Хабарлар

Бангладеш клуби ўзбекистонлик футболчига ҳайфсан берди

Баҳо:
+ | -

Ўзбекистонлик ҳужумчи Алишер Азизов икки йилдан бери Бангладешнинг "Шайх Руссел" клуби шарафини ҳимоя қилмоқда.

Жамоанинг ушбу мавсумдаги ишлари у қадар юришмаяпти. Жамоа чемпионатнинг дастлабки 6та туридан кейин 5 очко тўплаган ҳолда жадвалда 8-ўринни эгаллаб турибди.

"Пахтакор" тарбияланувчиси ҳисобланган Азизов ушбу мавсумда 6та ўйинда майдонга тушиб, ҳали голлар ҳисобни очганича йўқ. "Руссел"нинг кениялик мураббийи Абдул Идди Салим клубнинг 3 нафар легионерлари ўйинидан қониқиш ҳосил қилмаётгани учун икки нафар нигериялик футболчи ва Алишерга ҳайфсан эълон қилди. Клубнинг фикрича, легионерлар ёмон ўйин кўрсатаётгани учун жамоанинг натижаси пасайиб кетган.

Уч футболчи эса бош мураббий Салимга ўз спорт формаларини яхшилашга ваъда беришди. Шунингдек, клубнинг 5 ёки 6 нафар ўйинчиси жароҳат олгани ҳам натижалар ёмонлашишга сабаб бўлган.

Алишер Азизов Бангладеш чемпионатининг ўтган мавсумида 24та ўйинда майдонга тушиб, 1та гол урган эди. "Шайх Руссел" ўтган мавсумда 3-ўринни эгаллади.

Киритилди: 20:06, 22.03.2020.
Ўқилди: 6119 марта.
Фикрлар: 6 та.

Бўлимга тегишли қизиқарли хабарлар

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.