"Орландо Сити" ярим ҳимоячиси Нани ўзи бирга ўйнаган энг яхши 5 футболчидан иборат рамзий терма жамоасини тузди.
«Дарвозада, албатта, Де Хеа. У дунёнинг энг яхши посбонларидан бири. Давид – менинг дўстим, у бизга кўп очко келтирган, чунки усиз ҳеч нарса қила олмасдик. Бу ҳақиқат.
Деку – кумирларимдан бири. Ундан кўп нарсани ўрганганман.
Ҳимояда Бруну Алвеш. Унинг техникаси яхши. Ўйнаш керакми, ўйнайди. Тўхтатиш керакми, тўхтатади.
Криштиану Роналду. Кўникмалар, тезкор югуришлар... Буларнинг ҳаммасини ёшлигида мен ўргатганман. Роналду мендан кўп нарсани ўрганган, ўзи ҳам билади (кулади).
Пол Скоулз. Тўп билан ажойиб муомала қилади, майдонни жуда яхши кўради», – деди Нани.
