"Лилль" марказий ҳимоячиси Габриэль Магальяйнс ёзги трансферлар ойнасида жамоасини ўзгартириб фаолиятини АПЛда давом эттириши мумкин.
Журналист Николо Скиранинг сўзларига кўра, "Эвертон" 22 ёшли бразилиялик футболчи билан шартнома бўйича келишувга эришган.
Агар томонлар келиша олсалар, у ҳолда Габриэль янги клуб билан 2025-йилгача шартнома имзолайди. Аввалроқ, "Эвертон" футболчи учун 25 млн фунт тўлашга тайёрлиги ҳақида хабарлар тарқалган эди.
Маълумот ўрнида, ушбу мавсумда бразилиялик марказий ҳимоячи "Лилль" сафида 34 та учрашув ўтказиб, 1 та гол урган.
