"Шахтёр" ярим ҳимоячиси Виктор Коваленко Украина чемпионатидан ташқаридаги навбатдаги украиналикка айланиши мумкин.
ForzaRoma.info La Gazzetta dello Sport нашрига таяниб хабар беришича, "Рома" бош мураббийи Паулу Фонсека украиналик ярим ҳимоячининг трансфер вариантини кўриб чиқишда давом этмоқда.
Португалиялик мутахассис Коваленкога муносиб рақобатчи Лоренцо Пеллегринини кўрмоқда. Хавьер Пасторе ёзда жамоани тарк этиши мумкинлиги сабабли, «бўрилар» янги марказий ярим ҳимоячи сотиб олади.
Эслатиб ўтамиз, Фонсека "Шахтёр"ни тарк этиб, Рим клубини бошқарганидан кейин Коваленкога қизиқиш билдирган эди.
