Бразилияда коронавирусга чалинганлар кундан-кунга кўпаяётгани сабабли шифохоналарда жойлар тақчиллиги юзага келди, шу сабабли стадионлар касалхоналарга айлантирилмоқда. Жумладан, дунёга машҳур "Маракана" стадиони зудлик билан касалхонага айлантирилади.
Эслатиб ўтамиз, мазкур стадион "Фламенго" жамоасининг уй стадиони бўлиб, қайта таъмирлангандан кейин 78 минг мухлисни ўз бағрига сиғдира олади.
Энди эса, у майдондаги шифохонага айлантирилмоқда. Ҳозиргача Бразилияда 2554 киши ушбу вирусга чалинган. 59 киши оламдан кўз юмган.