UFC президенти ва асосичиси Дана Уайт барча интиқлик билан кутаётган Тони Фергуюсон ва Ҳабиб Нурмагамедов ўртасидаги жанг ва “UFC 249” кечаси ҳақида ESPNнашри учун интервью бериб ўтди.

- “UFC249” кечасига мезбонлик қиладиган давлат номи ҳали аниқ бўлганича йўқ. Бу борада янгиликлар борми?

- Аслида жангни Оклахомада ўтказиш режамизда бор эди.  Биз мамлакат бир ерга 5 мингдан ортиқ мухлис жамланмаслигини талаб қилганида ҳам ўз фикримиздан қайтганимиз йўқ. Кейин эса, бу сон 10 тага ўзгаргач, биз ҳам ўз фикримизини ўзгаритишга мажбур бўлдик. Шунга қарамай, 18 апрел санасидаги Тони ва Ҳабиб тўқнашуви ҳали-ҳамон кучда. Бу жанг бўлиб ўтади!

- Ҳўш, бу жанг қандай кўриниш олади?

- Биз барча шартларга риоя қилишга ҳаракат қиламиз. Ўша оқшом октагондагиларни ҳисобга олганда ҳам 10 тадан ортиқ инсон аренага киритлмайди. Балки апрел ойида вазият бироз юмшар, бироқ нима бўлан тақдирда ҳам бу жанг бўлиб ўтиши аниқ. Керак бўлса, мухлисларсиз ҳам бу жангни ташкиллаштиришга қарор қилганмиз. Нима қилиб бўлсада, жангчиларни октагонда учраштирамиз. Керак бўлса, АҚШдан ташқарида бўлса ҳам жангни ўтказамиз.

- Бу қувонарли ҳолат, бироқ бутун дунёда коронавирус билан муаммолар пайдо бўлаётган бир пайтда, қандай қилиб жангни ўтказиш ҳақида бош қотириш мумкин?

- Бу бизнинг ишимиз. Менинг вазифам ҳар ҳафта сифатли жангларни уюштиришдан иборат. Жангчилар рақиблари билан октагонга чиқиш иштиёқида ёнмоқда, мухлислар эса сифатли тўқнашув учун ҳамма нарсага тайёр. Сўнгги кунларда мен ижтимоий тармоқлардан фақат ижобий хабарлар оляпман. Деярли бутун АҚШ мени қўллаб-қувватламоқда. Барча бу проектнинг давом этишини истамоқда. Биз ҳам бу жанг борасида иш олиб боришдан тўхтаганимиз йўқ. Тўғри, айрим спорт медия сайтлари бизнинг режаларимизни қоралаб чиқди, бироқ барчанинг ўз қарашлари мавжуд. Биз олдинга қадам ташлашимиз лозим. Тони ва Ҳабиб ўртасидаги жанг ҳам келишилган муддатда бўлиб ўтади.