Туркия терма жамоаси, "Фенербаҳче" ва "Барселона" клублари собиқ дарвозабони Рюштю Речбер коронавирусга чалинди. Бу ҳақда унинг турмуш ўртоғи Инстаграмдаги саҳифасида маълум қилди.
"Бу ҳақда хабар бераётганимдан афсусдаман, аммо эрим Рюштю касалхонада коронавирус ташхиси билан ётибди. Симптомларнинг жуда ҳам тез ривожланганидан ҳайратда қолдик. Ҳаммаси ўз ўрнида эди.
Тест топширдик. Қизим ва ўғлимда тест салбий натижа кўрсатди, эримда эса ижобий. Бизга унинг олдига киришга рухсат беришмаяпти ва бу энг қийинидир", – деб ёзиб қолдирди Речбернинг аёли.
Эслатиб ўтамиз, дарвозабон Туркия терма жамоасидаги фаолияти билан машҳур. Речбер 2002-йилдаги жаҳон чемпионатида терма жамоа ҳалоскорига айланган ва жамоасига медалларни тақдим этган эди.
