Мадриднинг "Реал" клуби ҳужумкор ярим ҳимоячиси Эден Азар Европа Чемпоинатининг кейинги йилга қолдирилишига ўз муносабатини билдирди.
«Евро-2020гача тикланишга умид қилаётгандим. Энди менда кўпроқ вақт бор, — деди Азар, – 2021йилда барчаси бошқача бўлади. Ўйлайманки, Европа чемпионатининг кейинги йилги қолдирилишида мухлислар хафа, аммо, улар ушбу мусобақани стадионга ташриф буюриб тўлақонли тарзда томоша қилишади. Ҳозирги вазиятда бу мусобақани ўтказишни имкони йўқ.
Ҳаётда тўғри устувор вазифа қўйишингиз керак. Ҳа, бўш трибуналар руҳий томондан ҳам салбий таъсир кўрсатади, аммо, инсон саломатлиги қиммат туради.
Мухлислар сингари футболчилар ҳам ижобий янгилик кутмоқда.
Ўйлайманки, 2021 йили катта Европа Чемпионати бўлиб ўтади. Бу кўчирилишдан кейин ҳар бир инсон қўшимча ғайратга эга бўлади ва ғалаба қозониш истаги юқори бўлади», — деди Азар.
